ұрыстық жабдықтау пункті

(Пункт боевого питания)

қару қабылдау, оқ-дәрі қорларын сақтау, оларды атысқа ішінара дайындау және олармен бөлімшелерді қамтамасыз ету үшін ұрыс қимылдары кезеңінде батальонда (ротада) ұйымдастырылатын ұрыстық жабдықтау пункті. Ұ.ж.п-не бөлімшелерден жөнделмейтін және артық қару-жарақты, атылған оқсауыттарды қабылдау, байлап-түю және оларды эвакуацияға дайындау жүктеледі. Батальондық (роталық) Ұ.ж.п-н ұйымдастыру туралы шешімді батальон (рота) командирі қабылдайды. Жағдайға байланысты ол Ұ.ж.п-нің құрамын, уақытын және оның жайылу уақыты мен орналасу ретін анықтайды. Батальондық Ұ.ж.п-нің жұмыстарын батальонның қамтамасыз ету взводының командирі, ал роталық Ұ.ж.п-нің жұмыстарын рота старшинасы басқарады. Ұ.ж.п. оқу-жаттығуларда және полигондар мен атыс алаңдарында ұрыстық және жаттығулық атыстар өткізу кезінде де құрылады.